Inilabas na ng Office of the Ombudsman ang kautusan laban sa 12 opisyal ng Department of Public Works and Highways (DPWH) at nakapaloob dito ang anim na buwang suspension kaugnay sa maanomalyang flood control project sa Oriental Mindoro.

Ang naturang kautusan ay kinumpirma ni Atty. Juanito Lim, abogado ni DPWH maintenance division chief Juliet Calvo.

Kabilang dito ay sina Grace Lopez, Frierich Camero ang Bids and Awards Committee ng nasabing proyekto ng DPWH-Mimaropa; Calvo; Gerald A. Pacanan (regional director); Gene Ryan Alurin Altea (assistant regional director, now director of the DPWH Bureau of Maintenance); Ruben delos Santos Jr. (assistant regional director); Dominic Gregorio Serrano (chief, construction division); Felisardo Sevare Casuno (project engineer III); Timojen Adiong Sacar (materials engineer); Montrexis Tordecilla Tamayo (OIC‑chief, Planning and Design Division); Dennis Pelo Abagon (OIC‑chief, Quality Assurance and Hydrology Division; former regular member, Bidding and Awards Committee, now OIC‑chief, Planning at Design Division); and Lerma Dotado Cayco (accountant IV, Bidding and Awards Committee).

Ayon kay Asst Ombudsman Mico Clavano kasabay ng pagkakasuspende sa kanila ay sinampahan din ito ng kasong Administrative at Criminal Case upang tuluyan ng mahatulan ng hukuman.

Ang suspension order ay base na rin sa rekomendasyon ng Independent Commission for Infrastructure (ICI) noong sila ay nag-iimbestiga sa ilang flood control project sa Mimaropa.