Nilinaw ng Palasyo ng Malakanyang na walang plano si Pangulong Ferdinand Marcos Jr na magbitiw sa kanyang puwesto.

Ang naturang pahayag ay bunsod na rin sa ginawang talumpati ni Senador Imee Marcos na kung saan ay pinaratangan nito ang kanyang kapatid na gumagamit ng droga.

Ayon kay Communication Undersecretary Claire Castro na pawang mga supporters ni Vice President Sara Duterte ang nanawagan na magbitiw ito sa puwesto upang sila umano ang mamuno sa bansa.

Sa kasalukuyan ay abala umano ang pangulo sa pagtrabaho para sa kabutihan ng bansa.

Ang nasabing alegasyon ni Sen. Imee Marcos ay matagal ng naipaliwanag na noon at ito ay muling inuulit dahil sa wala ng ibang maibatong isyu.