Ipinahayag ng Office of the Executive Secretary na walang magyayaring paggagalaw o paglilipat ng Holiday nitong November 30, 2024 na kung saan ito ay papatak sa araw ng Sabado.

Ang naturang pahayag ay bunsod na rin sa katanungan ng isang mamahayag kung ito ay ililipat sa araw ng Biyernes dahil ang Bonifacio Day ay pumatak sa araw ng Sabado.

Matatandaan na noong nakaraang taon ay naglabas na ng listahan ng mga regular holiday ang tanggapan ng Pangulo sa ilalim ng Proclamation 368 na nilagdaan naman noong October 11, 2023.

Samantala nagpalabas na rin ang kautusan ang Department of Labor and Employment ng salary guidelines para sa mga manggagawang magtratrabaho ng November 30.