Matapos ang ilang araw ng pagsasaliksik at pag-aaral ay tuluyan ng nakumpleto ang legal team ni dating Pangulong Rodrigo Duterte para sa kanyang pagdinig sa International Criminal Court.
Sa kasalukuyan ay hindi pa isinapupubliko ang pangalan ng mga abogado ngunit ayon kay Nicholas Kaufman na maari na itong ilabas ang mga pangalan nito sa araw ng lunes.
Ayon pa kay British-Israeli Lawyer Kaufman ay hindi kasama sa listahan si dating presidential spokesperson Harry Roque dahil ito umano ay humingi ng political asylum kaya hindi ito maaring makadalo sa mga pagdinig sa korte.
Matatandaang sinabi ni Vice President Sara Duterte na marami pa silang hinihintay na dokumento bago makabalik sa Pilipinas kung saan umaasa siya na makumpleto ang legal team ng ama bago ito makaalis ng Netherlands.
