Patuloy na inaalam ng mga kapulisan ang motibo sa pagpaslang sa isang pulis sa National Highway sa Barangay Tunggol, Datu Montawal, Maguindanao Del Sur kaninang 9:00 ng umaga ngayong araw ng Lunes, May 26, 2025.

Ang biktima ay nakilalang si Datu Montawal Municipal Police na si Patrolman Jomar Kalantungan na nakatira sa Lambayong, Sultan Kudarat.

Matapos ang nasabing insedente ay kaagad naman dinala sa pinakamalapit na pagamutan upang malapatan ng lunas subalit ito ay dineklarang Dead On Arrival ng hospital.

Sa kasalukuyan ay patuloy ang hot pursuit operation ng pulisya upang matukoy at madakit ang mga nasa likod ng pamamaril.