Walang pinaboran ang Senado sa mga tatakbong senador sa National Local Election 2025 kung bakit sa Hunyo pa bubuksan ang pagtalakay sa impeachment trial ni Vice President Sara Duterte.
Ayon kay Senate President Francis Escudero hindi kailanman napag-usapan ng mga senador ang tungkol sa impeachment dahil wala pa silang isinasagawang caucus tungkol dito.
Kahit umano sa mga oras na natanggap na ang article of impeachment ay hindi ito tinalakay ng mga mambabatas.
Nilinaw nito na hindi siya puwedeng mag-presume o manguno dahil katatanggap pa lang umano ito noong Miyerkules ng hapon at hindi pa sila pormal na naabisuhan dito ng Senate Secretary.
