Patay ang 9 na katao sa bahagi ng Thailand dahil sa patuloy na pagbuhos ng malakas na ulan na naging sanhi ng malawakang pagbaha sa nasabing bansa.

Ayon sa report ng mga operatiba umaabot sa 553,921 na kabahayan ang naapektuhan habang 13,000 katao naman ang sapilitang inilikas.

Ayon pa dito, walong probinsiya ang apektado ng naturang pagbaha kung saan ay ipinag-utos na nito sa lahat ng ahensiya ng gobyerno ang pagbibigay ng agarang tulong na kinakailangan ng mga residenteng naapektuhan ng naturang baha..

Ayon sa Meteorological Department ng Thailand ang nararanasang patuloy na pag-ulan ay dahil na rin sa nararanasang habagat ng bansa bunsod ng climate change kaya inabisuhan rin ang mga residente sa lugar na panatilihing nakahanda sa maaring maging epekto ng malalakas pang pag0ulan ng magtatagal hanggang sa susunod na linggo.