Mercedes, Camarines Norte – Naging matagumpay ang isinagawang buybust operation ng pinagsabi na puwersa ng Mercedes Municipal Police Station at iba pang law enforcement unit masatapos nitong masakote ang isang lalaking sangkot as pagbebenta ng ilegal na droga nitong Marso 18, 2025 dakung 9:15 ng gabi sa Purok 6 Sitio Puti, Barangay Gaboc bayan ng Mercedes, Camarines Norte.

Ang suspect ay nakilalang si Alyas “King”, 51 taong gulang, walang trabaho at residente ng Purok 3, Barangay 6, Mercedes, Camarines Norte.

Ang naturang operasyon ay bunga ng pagsasama ng Mercedes MPS sa pakikipagtulungan ng CNPDEU, CNPIU, CN 1st PMFC, at 503rd MC, RMFB5, sa ilalim ng koordinasyon ng PDEA ROV. ay nakumpiska mula sa suspek ang sumusunod na mga ebidensya:

• Isang (1) medium heat-sealed plastic sachet na may lamang puting crystalline substance na hinihinalang shabu;
• Limang (5) small heat-sealed plastic sachet na naglalaman din ng hinihinalang shabu; at
• Isang (1) piraso ng tunay na limandaang piso (PhP 500.00) na may serial number H582275 na ginamit bilang buy-bust money.

Ang mga naturang ebidensiya ay kaagad naman ginawan ng imbentaryo at minarkahan ng ang mga nakumpiskang ebidensiya na isinagawa sa presensiya ng mandatory witness.

Sa kasalukuyan ang suspek ay nasa pangangalaga ng Mercedes MPS habang inihahanda ang mga kinakailangang dokumento para sa pagsampa ng kaso sa naturang suspect.