Pinaghahandaan na ni Vice President Sara Duterte ang impeachment trial matapos nitong ipatwag ang kanyang legal team.

Ayon kay VP Sara na puspusan na ang kanilang preparasyon sa impeachment noon pang buwan ng Nobyembre taong 2024 matapos ang naging pahayag ni House Deputy Minority Leader France Castro.

Ayon pa kay VP Sara marami na umanong mga abogado ang magbibigay sa kanya ng suporta o maging bahagi ng kanyang defense team.

Welcome din umano ang kanyang ama na si Dating Pangulong Rodrigo Duterte na magbigay ng anumang inputs dahil abogado rin ito subalit kung maari umano ay wag na itong sumali sa defense team dahil umano sa edad nito at sa nakakapagod na proseso ng impeachment trial.

Sa kaugnay na balita, nilinaw ng Pangalawang Pangulo na masyado pa umanong maaga na pag-usapan ang kanyang pagbibitiw sa puwesto dahil hindi pa nababasa ang mahigit 30 pahinang impeachment complaint.

Sa kabila nito nagpahayag naman ng pasasalamat si VP Sara sa patuloy na suporta na ibinibigay sa kanya ng taong bayan na patuloy na natitiwala sa kanya.